លុះនាពេលបច្ចុបន្ប មធ្យោបាយរក្សាឯកសារកាន់តែមានការវិវត្ត និងមានសុវត្តិភាព ដោយរើសយកការផ្ទុកឯកសារនៅលើប្រព័ន្ធសឺវ៉ឺ ដែលអនុញ្ញាតិឲ្យយើងអាចទាញយក ឯកសារណាមួយ នៅពេលណា និងនៅកន្លែងណាក៏បានគ្មានដែនកំណត់ ។
អ្វីដែលអ្នកត្រូវការគឺ
ច្បាស់ណាស់ថាអ្នកត្រូវមានកុំព្យូទ័រ រឺអាយហ្វូន រឺអាយផេត ដើម្បីភ្ជាប់ប្រព័ន្ធអ៊ីនធឺណែតក្នុងការរក្សាឬទាញយកឯកសារពី Dropbox សឺវ៉ឺ ។ ដើម្បីប្រើប្រាស់ Dropbox សឺវ៉ឺ អ្នកត្រូវចុះឈ្នោះទទួលយកកន្លែងផ្ទុកឯកសារ ដែលកន្លែងនេះចែកចេញជា២ប្រភេទ
- កន្លែងមិនបង់ប្រាក់ (Free account)
- កន្លែងបង់សេវ៉ា (Premium account / paid account)
សំរាប់ការប្រើប្រាស់ផ្ទាល់ខ្លួន ឬអាជីវកម្មខ្នាតតូច វាអាចនឹងគ្រប់គ្រាន់សំរាប់ Free account ដោយអាចឲ្យយើងទទួលបានកន្លែង 2 GB ដំបូង និងអាចលើសពីនេះ ។ អ្នកអាចទទួលបានរហូតដល់ 8 GB ដោយគ្រាន់តែអញ្ជើញមិត្តភ័ក្រ្ត រឺសាច់ញាតិចុះឈ្មោះប្រើប្រាស់ប្រព័ន្ធនេះដែរ ដោយក្នុង១នាក់ចូលរួម Dropbox របស់អ្នកនឹងកើន 250 MB ២នាក់នឹងកើនបាន 500 MB អញ្ចឹងបើអ្នកចូលរួមតាមការអញ្ជើញរបស់អ្នកចាប់ពី២៤នាក់ អ្នកនឹងទទួលបាន 6 GB + 2 GB = 8 GB សំរាប់កន្លែងផ្ទុកឯកសារ ។ តែបើអ្នកមានតំរូវការលើសពីនេះ អ្នកអាចជ្រើសរើសគំរោងបង់ប្រាក់ ដែលមានច្រើនប្រភេទ។ ឥឡូវយើងចាប់ផ្តើមគោលដៅរបស់យើង!
- ចុះឈ្មោះយកគណនីយនៅ Dropbox
- ទាញយកកម្មវិធី Dropbox
- និងបញ្ចូលក្នុងកុំព្យូទ័រ ក្រោយពេលចុះឈ្មោះហើយ
- មាន២ជម្រើស សំរាប់ភ្ជាប់គណនីយ
- ភ្ជាប់គនណីយដែលមានស្រាប់
- ជ្រើសរើសការកំណត់កន្លែង Dropbox (1)
- ជ្រើសរើសការកំណត់កន្លែង Dropbox (2)
- កំណត់ឯកសារដែលត្រូវបញ្ជូនចូលសឺវ៉ឺ Dropbox
- រាល់ការកំណត់របស់ Dropbox ដែលអាចប្រតិប័ត្តបាន
- កន្លែងផ្ទុកឯកសាររវាងកុំព្យូទ័រ និង Dropbox
- អនុញ្ញាតិឲ្យអ្នកផ្សេងចូលយកឯកសារមកប្រើប្រាស់
ចាប់ផ្តើមចុះឈ្មោះយកគណនីយ Dropbox (ដ្រប់បក្ស) របស់អ្នកបើអ្នកមិនទាន់មាន តែបើអ្នកមានហើយ អ្នកអាចចាប់ផ្តើមបង្កើនទំហំរបស់វាតាមរយៈការអញ្ជើញមិត្តភ័ក្រ្ត និងគ្រួសារមកប្រើ Dropbox ដូចជាអ្នកដែរ ដែលនេះជាអ្វីថ្មីសម្រាប់មនុស្សសម័យថ្មី !
ហើយបើអ្នកកំពុងតែប្រើ Dropbox តើអ្នកកំពុងតែប្រើបែបណា និងយល់ឃើញយ៉ាងណាដែរ? សំរាប់ខ្ញុំ ខ្ញុំផ្ទុកឯកសារសំខាន់ៗដូចជា ឯកសារគណនីយ ឯកសារវិក័យប័ត្រ និងឯកសារផ្ទាល់ខ្លួនដែលខ្ញុំធ្លាប់ដាក់តាមផ្លាសឬទូរស័ព្ទ ។ ដូច្នេះនៅពេលដែលឯកសារទាំងអស់នោះត្រូវបានបន្ថែមឬលប់ វានឹងត្រូវបានបញ្ជួនទៅកាន់សឺវ៉ឺ Dropbox ភ្លាមៗ អាចប្រើប្រាស់ពីកុំព្យូទ័រណាក៍បាន និងរក្សាបានសុវត្ថភាព១០០% ។
